O loo teena e alii taaalo o Jack Wighton ma Lattrell Mitchell o la moliaga i le faamasinoga i le ACT lea na molia ai i le la fusuaga na faia i fafo ane o se kalapu i Canberra i le amataga o le masina nei.
O le mae’a o le faailogaina o le aso fanau o le alii o Wighton na tupu ai le vevesi lea ma ua mae’a faailoa ane foi e le NRL o le a lē faasalaina i laua ia i le lē mafai ona faataaalo i taaloga o loo loma.
Ua mae’a foi ona faatoese uma Lattrell ma Jack i le mea na tupu.
I le faamasinoga la i le asō ua aveese ai e le faamasino aiaiga sa tuuina mo le tatala ai i tua ma le lipoti ane pea i leoleo ae o le a toe fofogaina le mataupu i le faamasinoga i le mae’a o le taamilosaga a le lakapi liki i le masina o Oketopa.
