Ua faaleaogaina e le minisita o Faamasinoga nisi o fautuaga sa tuuina ane mai le iloiloga tutoatasi sa faia i le tulaga tau faigapalota, Independent Electoral Review.

O ia fautuaga ua teena e aofia ai le suia mai o le tausaga e mafai ai ona palota i le 16, faatagaina o pagota e palota ma mafai ona ulufale i le Palemene, faatumauina o le aofai o itumalo faapalota e mafai ona faamauina ni nofoa, atoa ma le toe suia o faasalaga i le tuuina o taumafa ma faafiafiaga mo tagata palota.

O nisi vaega ua aofia i le lipoti mai le iloiloga e aofia ai le faalelei o le faatinoina faamaoni o galuega ma pe faapefea foi ona faamamaluina le Treaty of Waitiangi.

E silia ma le 7,500 finagalo tusitusia sa tuuina atu i le iloiloga faaopoopo iai ma suesuega sa faatino e i latou sa feagai ma le galuega.