O loo tetee le malu o le malo ua molia i moliaga o le molimau pepelo i le faamasinoga na feta’ua’ina ai lona tuuina o ni faamaoniga le sa’o i se mataupu.

Lipotia e le Stuff.co.nz o pepa mai le faamasinoga ua iloa ai o lē ua molia e 30 tausaga, o lana galuega faamauina o le leoleo i Aukilani ae sa avea ma mollimau i le mataupu sa fofogaina i le faamasinoga ia Ianuari o le tausaga talu ai.

Sa ia tautino ai o ia ua agavaa ma faamaonia foi le mafai ona ia faatino tiute faaleoleo e faaaogā ai le masini o le radar. 

O le faasalaga o le moliaga lea pe afai e faamaonia, o le faasala i le falepuipui mo le 7 tausaga.

O loo faasā ona faailoa le suafa o le malu o le malo ma o le aso 28 o Fepuari e toe tulai ai i le faamasinoga.

O loo faamalolo lē tumau i le taimi nei mai ona tiute faaleoleo.