Ua teena e le Health NZ faamatalaga e faapea o lana taiala ua tuuina atu i le pulega ina ia toe iloilo avanoa faigaluega, o le tuuina lea iai o se taofi mo le taimi nei i le faafaigaluegaina o tagata, ma ua o latou ta’ua o loo latou faaauau pea ona faafaigaluega tagata e faatumu ai avanoa o loo sioti.
Fai mai le lipoti a le One News ua tusi atu le ofisa o le Health NZ i Iuni ma faaāta atu ai le ituaiga taiala ua tuuina atu i maota gasegase, e aofia ai le faasā o double shifts poo ni sifi sosoo se lua, tapunia o nisi o avanoa faigaluega o loo avanoa ma le faamalosia o le aufaigaluega ina ia faaaogā livi.
Fai mai le Te Whatu Ora ua faia lea fuafuaga auā e lē mafai ona toe ulufale atu foi i le isi tausaga faaletupe fou ma se tulaga faaitiitia o tupe maua e pei ona iai i le taimi nei.
Ua faailoa foi i lea lava lipoti o se taiala ua iloilo ai avanoa faigaluega e lē o iai nisi o iai i le taimi nei ma ua talanoaina ai le aveesea atoatoa o ia avanoa o se vaega o le paketi ae lē o se taofiga o le faafaigaluegaina o tagata (hiring freeze) e pei ona faailoa.
Na saunoa le minisita o le Soifua Maloloina, Shane Reti i le mataupu lea e faapea o ia faaiuga ua faia o le matafaioi lava a le Health NZ ae lē o le Malo.
Na lipotia foi i lea lava lipoti se tali ane a le sooupu o le Leipa i mataupu tau soifua maloloina, Ayeesha Verral e faapea e faavalevalea lea faamatalaga.
Puna o Faamatalaga: https://www.1news.co.nz/2024/04/22/health-nz-te-whatu-ora-denies-its-ordered-a-hiring-freeze
