Ua te’a i tua ma le potu tigaina a le falemai le pule o le fale sushi i Aukilani lea na tatui (tulou) i le lua vaiaso talu ai.

O le fale’aiga sushi lenei i Browns Bay, Neco Sushi na lipotia mai ai lea faaoomanu’a i le aso 28 o Mati, ma o lea na faanatinati ai le tina na aafia ma ona manu’aga tuga i le falemai i Aukilani ae maliu lē na faia ina ua ia toe faaoo lava e ia ia te ia lava manu’aga ma maliu ai.

I lipoti a le 1News ananafi ua faafetaia ai foi e le tina tagata lautele na fesoasoani atu ia te ia i lea aso aemaise o le toatele na mulimuli faaoo atu o latou alofaaga mo ia ma le aiga.

O loo tapunia pea nei le fale sushi a le aiga a o toe vaavaai mo le agai i luma ae mai le Browns Bay Business Association, e umi se taimi e moomia e toe tau faatulai ai lē ua aafia ona o lenei osofaiga.

Puna o Faamatalaga: Stabbed sushi shop owner moved out of intensive care (1news.co.nz)