Ua tautino le matagaluega o le Soifua Maloloina i le le sa’o o le latou faamata’uina o le au faipisinisi faatau vapes e uiga i le faatauina o oloa e le o usitaia le tulafono.
Ia Oketopa 2022 ua taua e le RNZ o le tali atu a le matagaluega o le Soifua Maloloina i se suesuega na faia e le polokalame a le Fair Go, na faamata’u ane ai le matagaluega o le a faaleaogaina uma oloa e aofia i le mataupu lea pe afai e le usitaia aiaiga.
Peitai o le tulafono o loo faatulaga lelei mai ai le malosi faatulagaina o le nicotine e tatau ona limiti pe faatapulaa i le 50milikalama lona malosi. Faailoa ai e le VAPO se tasi o kamupani o loo latou faatauina vapes, e faapea ua tele taimi ua talosaga ai e fono ma le matagaluega ile mataupu lea ae teena mai lava. I le masina la o Mati na ave ai e le kamupani lea le mataupu i le faamasinoga ona o le manatu e le o sa’o le faauigaina e el matagaluega o aiaiga ma tulafono e uiga i le faatauina o vapes.
O le masina o Aokuso na faamaonia ai e le matagaluega e moni le faauigaina e le Vapo o aiaiga ma faia ai loa le faaiuga a le faamasinoga ma ua sui ai ma aiaiga ua faatiitia mai le malosi o le nicotine i le vape i le 28.5 milikalama amata ia Mati 2024. O loo i luma nei o le faamasinoga le mataupu pe faamata e mafai ona faaitiitia e le matagaluega le malosi o le nicotine i lalo o le tulafono ma o loo faatalia ai se tali a le Matagaluega i lea mataupu.
