Ua tautino se alii I lona fasiotia o se tamaitai  na maua lona tinomaliu I totonu o se taavale ua mu ile itu I saute o Aukilani.

O tala mai le Radio NZ Pacific ua taua ai o Palmer Edward Marsters na tulai I le faamasinoga maualuga I Aukilani I le aso faaaoga ai le audio visual link poo fesootaiga faaonaponei i faiga faatekonolosi. 

Ua ia tautino ai I le fasioitia o Chontel Wiki Obrien e 23 tausaga ile masina o Novema I le tausaga talu ai.  Fai mai e faatolu ona tatui tulou e lea alii le tamaitai ua maliu, tuu ai le tinomaliu I le nofoaga ole pasese ile taavale ma susunuina ai. 

Sa ia tautino foi I se moliaga o le faaoolima ma leisi moliaga o le faaoolima faamoemoeina ise faalavelve na tupu I le vaiaso I luma mai o le vaiaso na tupu ai le faalavelave ua maliu ai Obrien.

O le masina o Aukuso e lauina ai le iuga o le alii o Marsters I le faamasinoga maualuga.