Search

Tautino i le fasiotia o Constable Matthew Hunt

Ua tautino se alii I le faaoo o le oti I le malu o le malo Constable Matthew Hunt I le tausaga na tea nei ia Iuni.

O le faamasinoga o Eli Epiha ma leisi o loo molia faatasi o Natalie Bracken sa fofogaina ile faamasinoga I le aso ae lipotia ile One News ole vaiaso na tea nei na toe sui ai le tali a Eli I ona moliaga.

Ua tautino nei o ia I le fasioti tagata mae 25 tausaga le matua o le soifua ma faamaonia foi moliaga o le avetaavale ise tulaga matautia ua mafua ai manuaga ise tasi o le atunuu.

O le aoauli nei la ua aveesea ai le poloaiga a le faamasinoga sa faasa ai ona faailoa lona suafa.

Lipotia o loo faatalia foi se faaiuga ale faamasinoga pe faamaonia le taumafai e fasioti leisi malu o le malo sa iai faatasi ma le ua maliu I le faalavelave lea na tulai mai I Massey ile tausaga talu ai.

O loo faatalia foi pe faamaonia moliaga o Natalie Bracken 31 tausaga i lona aofia ai I le faalavelave ma fesoasoani I le faasola ese mai o le na molia mai leoleo.

Ua fuafua e 3 vaiaso e faagasolo ai le faamasinoga I luma o le faamasino Justice Geoffrey Venning.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required