Search
Search
Photo Credit: Boxing Scene

Tautino e Andy Lee, o Joseph Parker ua toleni ma se faalogona fou

O le faiaoga ia Andy Lee ua ia tautino, o Lupesoliai Laauli Joseph Parker ua toleni ma se faalogona fou o sona talitonuga, a o lumanai le la fusuaga ma Zhilei Zhang o Saina i le Aso Faraile o le vaiaso fou, 8 o Mati i Saudi Arabia.

O Parker, sa manumalo mai i sana manumalo pito sili ona mataina ia Deontay Wilder ia Tesema, lea ua lauiloa tele ai lea siamupini muamua o le lalolagi a le WBO.

O Lee sa iai i Saudi Arabia mo ni nai vaiaso a o iai i le tolauapiga a Tyson Fury i le taimi sa ta’e ai le mata o Fury i sipaga a o tapena mo le la fusuaga tele ma Oleksandr Usyk, lea ua toe tolopo nei, ma ua fiafia ai Lee i sauniuniga a Parker, a o sauni atu mo lana fusuaga tele.

Faaalia e Lee, o loo matuai gūgū ia Parker, e lē o tele sana faamatalaga i ana sauniuniga, ma e lē manao e faailoa ni faamatalaga, ae ua matuai atoatoa lona talitonuga, ma le auala o toleni ai.

Ma ia ta’ua ai, o Parker o se tagata fusu poto, se tagata fusu e tele le malamalama, ma ua o lua ai ma lona malosi ua iai nei, ma lana fusu sa fusu ai ia Wilder ua atili faamautu ai lona talitonuga.

O Zhang, e 40 tausaga o lona soifua, o loo alu iai manatu e manumalo.

Ae afai e manumalo Parker, o loo iai i le feagaiga a Zhang ia le isi fusuaga ma Parker e toe faia a o lei oo ia Oketopa.

Ae o le taimi nei ua talitonu le tama fusu i le paga mamafa a Peretania ia Joe Joyce, e tauau ina faatoilalo e Zhilei Zhang ia Lupesoliai Laauli Joseph Parker o Samoa Niu Sila.

O Parker, sa avea ma siamupini muamua o le lalolagi i le paga mamafa a le WBO, sa faia’ina ia Joyce i le tu’ioti i le 2022, o le faia’ina lea e tasi a Parker i le tu’ioti, ae sa mulimuli ane i sana manumalo mataina ia Deontay Wilder i Saudi Arabia ia Tesema.

E talitonu Joyce, o le talavou o Parker e 32 tausaga, e faaono avea ma itu lelei ia te ia pe a faaumiumi taamilosaga o le fusuaga.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required