O le amataga o le masina fou lea ua ta’uta’u ai le tetee a tausima’i mo le 24 itula.

O le lē fiafia lava o tausi soifua i le toalaiti o le aufaigaluega o le mafuaaga lea ua talo ai le tetee ma o se faaiuga na palota iai le toatele o i latou.

O le aso 9 o Aokuso mai le itula e 7 i le taeao agai i le itula e 7 i le taeao o le aso e sosoo ai lea ua fai mai o le a savavali ese ai ma galuega ma e le gata o tausi soifua i falemai ae faapea foi tausi soifua o loo galulue i providers a le matagaluega i tua.

Mai le faalapotopotoga a tausi soifua e le faigofie le to’agaogao o le aufaigaluega ma ua lē saogalemu i se faigaluega, ma o le faaumiumi ai pea ona ui i lenei faafitauli ua foliga mai ai e le o lagona e se isi lo latou tauvalaau mai.

O le Aso Gafua o le vaiaso fou e tuuina aloaia atu ai i le matagaluega le faaiuga o le palota ua sau nei, ma i lipoti o loo ta’ua ai o lea lava ua leva ona iloa e le matagaluega o loo fuafua le tetee a tausi soifua.

Afai ae taunuu le tetee lenei, o le a savavali ese ai le 35,000 o tausi soifua.