Ua faamaeaina ma le manuia le uluai tuiga tele o tui o le Koviti a le atunuu lea na faia I Aukilani I Saute
O le aso ananafi lea na faamaea ai le tolu aso mo tui, ma o se fiafiaga tele le ausia o le fuainumera na tuli.
E silia ma le 15,700 I latou na agai ane mo tui, ma ua sili ai ma le numera na tuli e 15,000
A faatusa I le silia ma le 16,500 na faia bookings, tusa lea ma le 800 e le I mafai ona oo ane mo appointments
E ui na iai na I faaletonu I le faatoa tatala ai o faitotoa I le taeao o le Aso Faraile talu ai e pei o le uumi o kiu faapea le taimi na faatali ai le toatele, na vave ona toe auina ane isi tagata galulue faaopoopo ma toe sologa manuia ai le faaauau mai I le Aso Toonai seia faauma ai ananafi
Ua faailoa foi e le o loo faaulu ai tui I vaega I matu o Niu Sila, Alex Pimm, o loo toe silasila nei foi I nisi auala e faaleleia ai auaunaga aemaise le toe faia o tui lona lua o I latou na mafai ona agai ane I le Vodafone I le faaiuga o le vaiaso faatoa uma atu.
