Search
Search
Photo Credit: Ministry of Customs & Revenue Samoa

Taunuu le X-ray Scanner mo le Matagaluega o Tiute

O lea ua taunuu saogalemu i le atunuu le Container X-ray Scanner mo le vaega a le Tiute, ma o se uluai Container X-ray Scanner Unit lea ua taunuu i Samoa mo le Matagaluega o Tiute.

I se pepa o faamatalaga mai le Matagaluega o Tiute ma Tupe Maua, o loo ta’ua ai le auai atu o le afioga i le Sui Palemia, o ia foi o le Minisita o lea matagaluega, Hon. Tuala Tevaga Iosefo Ponifasio, i le uafu e molimauina le taunuu mai o lenei scanner ua leva ona faatalitalia.

Na auai atu foi i ai le susuga i le tamaitai Pule Sili poo le CEO o le Matagaluega, Afioga Fonoti Talaitupu Li’a-Taefu, le sui o le kamupani mai Saina le Nuctech Company, o faauluuluga ma alii ma tamatai ofisa o le Matagaluega, o i latou uma nei na molimauina le taimi na aveese mai ai le Container X-ray Scanner mai le vaa na aumai ai.

Na ta’ua i le pepa o faamatalaga, o lenei scanner ua faatupeina lona faatauina mai e le Faletupe o Atinae a Asia, le Asian Development Bank, ona o se tasi o vaega o le Apia Ports Project (ESSAP) e sili ona moomia mo le faamautinoa ua malupuipuia, saogalemu ma faatumauina le tulaga lelei o le atunuu.

E momoli ai le faafetai a le matagaluega i le Faletupe o Atinae a Asia faapea le Malo o Samoa mo le latou fesoasoani ua mafai ai ona maua mai lenei masini e matuā tele le aogā mo le puipuiga o le atunuu aemaise lava i ona tuaoi ina ia mautinoa o loo malupuipuia mai soo se mea e ono sao mai i totonu e lamatia ai le saogalemu o le atunuu, e pei o fualaau faasāina, o auupega lē faatagaina ma isi.

O loo faatali nei le scanner se’i mae’a uma le fausia o le warehouse a le matagaluega o Tiute o iina o le a faagaioi ai galuega a lenei x-ray scanner, ma o loo iai le faamoemoe o le masina o Me 2024 ua tatau ona faamae’a ai le nofoaga o le a faatulaga ai le scanner, ona tatala aloaia loa lea pe a faamae’a uma ma toleniga a le aufaigaluega i le faaaogāina o lenei masini fā’ata tāua.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required