Ao faasolo pea tuiga o le Koviti, o lea ua taunuu le uta lona lua o tui puipui
76,000 tui o le uta lona lua ua taunuu, ma o lea ua faaopoopo I le 60,000 na muai taunuu mai I le vaiaso talu ai
Ese mai I tui o le uta lona lua ua taunuu o loo sau ma le afa miliona o nila faapitoa e faaaoga mo nei tui
Ae I se vaaiga I le taamiloga ua oo iai tuiga, o lea ua oo mai I le aso le faasologa I tagata galulue I malaevaalele, le vaega a le cargo faapea le tusa ma le 3800 o le au galulue I luga o vaalele a le Ea Niu Sila
Taua ai e le fomai sinia a le kamupani, Dr Ben Johnston, e le o faamalosia le faia o tui mo le aufaigaluega, ae o loo fautuaina malosi e tatau ona faia mo le puipuiga Ripoti a le 1News o loo iai fuafuaga a nisi o faipule o le maota e faalauiloa faalauaitele le taimi e faia ai o latou tui, ma o le a avea foi lea ma avanoa e unaia ai I latou e le o mananao e faia ni o latou tui o le Koviti
