Ua taunuu i Niu Sila le uluai faigamalaga a tagata sulufai e omai mai nofoaga sa tuli ai faasalaga a o iai i pulega a Ausetalia.

O ananafi lea na tulaueleele ai i Aukilani le faigamalaga na omai ai ma le toaono o tagata sulufai e pei ona faamautinoa mai e le malo.

O tagata sulufai nei o loo i lalo o le ofo toeitiiti sefulu tausaga talu ona faia a o lea faatoa maua le maliega ia Mati o le tausaga nei e faataunuuina ai.

E 150 tagata sulufai e mafai ona omai i Niu Sila ma o se ofo e faaauau mo le tolu tausaga.

O le mafai ona aloaia o le ofo a Niu Sila atoa ai ma le faamalieina o polokalame faavaomalo o loo sainia ai maliega o polokalame sulufai, e le gata ua o se itu lelei mo le polokalame ae o se fiafiaga foi i tagata sulufai.