Ua mae’a le savali a aiga ma uo a i latou e oo mai i le asō e lei toe maua lava, a o nisi na fasiotia.
O le savali ananafi agai i le Palemene na talo lea ma tuufaatasia e le tina ia Jamin Grey, poo le tuaa o Breanna Muriwai lea ua iva masina e lei toe maua.
O se sāvali e lei faigofie mo le toatele o i latou na auai ai ona o le faigata o le lē iloa poo fea o iai ae pe aisea foi na susunu ai nisi o o latou tagata ma fasiotia.
O le minisita o faamasinoga, Kiri Allan lea na talia maia le sāvali ma ua faaalia foi e Allan e iai itu atonu ua lape ai ma o le a ia toe silasila ai foi poo le ā se isi suiga e mafai ona lagolago ai i aiga mafatia nei.
Mai sui o le ausavavali, na faaalia le agaga fiafia i le faaavanoa mai o le taimi o le minisita aemaise o le amanaia o i latou.
