O loimata maligi o le fiafia ma le faagaeetia na molimauina i le malaevaalele i Aukilani i le asō ina ua tulaueleele mai i fanua le faigamalaga a le ‘au ta’itoafitu a tamaitai Niu Sila le Black Ferns ma a latou pine auro mai le Olimipeka i Paris.
O le uluai pine foi lea mo Niu Sila i le Olimipeka o loo faagasolo nei i Paris.
O le tamaitai o Tyla King na ta’imua mai i le ‘au ma faafeiloai atu e le toatele o aiga ma uō ma le atunuu lautele na iai i le malaevaalele i lea taimi.
Na faailoa lo latou fiafia ma le agaga faafetai i le tapua’iga a le atunuu ma ua fiafia foi ua vave mae’a a latou taaloga ae alo atu e tapua’ia le alofaiva o isi tamafanau a Niu Sila ia latou taaloga.
Puna o Faamatalaga: https://www.1news.co.nz/2024/08/02/emotions-still-very-high-as-black-ferns-touch-down-in-auckland/
