E tatau ona oo atu i le Aso Faraile i le vaiaso nei lava ua toe sologa lelei e pei ona masani ai feoa’iga a trains i Sini e pei ona faailoa e le minisita o fela’ua’iga, David Elliot.  

Ua faailoa e le minisita ua malilie nei le malo ma le iuni i nisi o mataupu sa laga i faiga tetee e ono iai nei i Sini ma e lē toe mana’o e toe tula’i mai ia ituaiga tulaga faapea.  

Ua malie le minisita e faaalu le  264 miliona e toe faia ai fesuia’iga i tulaga o trains e pei ona iai nisi o mataupu na feeseesea’i ai. O se tala fiafia i le faafofoga a le lautele na matua’i aafia i suiga e pei ona molimauina i le vaiaso nei i le faatuai o trains ma le faalēaogāina o malaga.