Search
Search
Photo Credit: Lakapi Samoa

Taunuu aulakapi a Iapani, Fiti ma Tonga mo le taamilosaga o le World Rugby Pacific Challenge

O le Aso Lulu o le vaiaso nei e amata ai le taamilosaga lakapi faavaomalo o le World Rugby Pacific Challenge, lea o le a talimalo ai Samoa mai le aso 10 o Aperila e oo atu i le aso 20 o le masina nei lava.

O le Aso Toonai na taunuu ai ‘au a Tonga, Fiti ma Iapani ma faafeiloai ai i se ‘ava faatali.

O taaloga ua faatulaga mo lea taamilosaga o le Aso Lulu nei o le a amata i le taaloga a le Fiji Warriors ma le ‘au o le Tonga A.

O le isi taaloga i le Aso Lulu lava o le Manuma Samoa ma le ‘au sefululima a Iapani le Japan XV.

O le Aso Gafua asau o taaloga i le va o le Fiji Warriors ma le Japan XV faapea le taaloga a le Manuma Samoa ma le Tonga A.

O le Aso Toonai 20 o Aperila o le a faia ai taaloga i le va o Iapani XV ma Tonga A, ma le taaloga a le Manuma Samoa ma le Fiji Warriors.

O le ‘au o le Fiji Warriors o loo umia le siamupini o le taamilosaga lenei mai le tausaga ua mavae, ae tulaga lua ai le Manuma Samoa.

O taaloga uma o le taamilosaga lenei e pei ona amata i le Aso Lulu o le vaiaso nei o le a faia uma i le malae autu o taaloga le Apia Park stadium.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

Keep uptodate with Radio Samoa activity & promotion

* indicates required