E tele miliona ua gau i faiga a le autaufaavalea ma o lea ua vaavaai le malo i nisi o fuafuaga e omai faatasi ai ina ia malosi puipuiga.
O le vaiaso lenei o loo faamanatu ai le Fraud Awareness ma ua faailoa mai ai foi e lata I le $200 miliona tupe a tagata Niu Sila na gau ai i le 2023.
Na saunoa le Minisita o le Commerce and Consumer Affairs, Andrew Bayly, e lē o mafai ona iloa tonu le aofa’i o tagata o loo aafia ai, ona o faamaumauga o loo faailoa e na o mataupu o loo lipotia.
O le tele o faiga taufaavalea o loo sese ai tagata Niu Sila e tauala mai le social media ae o tagata Ausetalia o fe’au tusitusia e tauala mai telefoni.
Ona o le sau i luma o le to’atele ua aafia i faiga taufaasese nei ua fai mai ai le minisita o loo galulue nei ina ia iai se tino e tuufaatasi ai faletupe, ofisa o fesoota’iga faapea le malo ina ia malosi ai puipuiga e tali atu ai i faiga taufaasese.
Puna Faamatalaga: https://www.rnz.co.nz/news/political/534052/govt-to-ramp-up-anti-scam-efforts-bringing-public-sector-and-banking-industry-together
