O se tina na maua o taumafai e faaonā, poison lana tama i le falemai I Aukilani ao taumafai atu fomai e laveai le tamaititi, ua faasala nei ile 11 masina e faasala ai I lona aiga, home detention.

O loo taofia le faailoaina o lona suafa pei ona lipotia ele Newstalk ae e mai le South Island . Sa ia tautino I le amataga ole tausaga I le taumafai e faaonā lana tama I le masina o Aokuso 2019 ma leisi foi taimi ao iai I le falemai I Dunedin ae mulimulil ai toe sifi mai le tamaititi I le falemai I Aukilani.

O lana faamatalaga I leoleo e leiloa le mafuaaga na te faia ai lea gaioiga ae toe faailoa mulimuli ane I isi ana faamatalaga, na faia ia vaai atu ai tagata ia te ia ma aveesea ai ona tiute faamatua. E iai lona talaaga I gasegase tau le mafaufau.

Ise faamatalaga mai le tamā o le tamaititi sa faia I le faamasinoga ua taua ai o ia le matua sa feagai male tausiga o le la tama lea ua tolu nei tausaga mae ose tulaga faigata na iai le la fanau I totonu o le lua tausaga ua tuanai .

Taua I le lipoti e saili e le tina lea I luga o upega tafailagi, faamatalaga ma tusitusiga e faaautū I le faaonāina o se tamaititi faaaogā ai le vaimata poo le eye drops.

Fai mai le faamasino ua ia taliaina nisi o lipoti e faapea ua taumafai le o loo molia I le mataupu lea e togafiti tulaga o loo aafia ai ma ua salamo foi I gaioiga na faia. Sa tuuina atu foi se tusi mai se tasi o lona aiga ua faailoa ai e masani ona tagi lea tina ma tatalo mo lana fanau ma o le home detention o se faasalaga ogaoga foi ma e ao lava ona ia usitaia.

Ua iai foi poloaiga o puipuiga faaletulafono ua tuuina e puipui ai le tamaititi na aafia mai lona tina.