Ae o le taimi nei ua agiga, o loo taumafai malosi le kalapu liki a le Sydney Roosters e toe taofi Joseph-Aukuso Suaalii i le kalapu.
O le alii fai lipoti a le leitio a le 2GB, Neil Breen, sa ia faaalia i le vaiaso nei, o loo taumafai malosi le Roosters e faatalitonu ia Suaalii e toe lafoai lana feagaiga tele ma le lakapi iuni a Ausetalia ma le Waratahs.
Ae sa faaalia e le sui o le laulau o talanoaga a le polokalame a le Rugby Heaven, le tamaitai ia Sera Naiqama, o se lē faamaoni ia Suaalii pe afai e faia se faaiuga e nofo ai pea i le NRL i le mae’a ai ona ioe i le feagaiga ma le lakapi iuni a Ausetalia.
E tusa ma le $6 miliona le feagaiga a Suaalii ma le lakapi iuni a Ausetalia mo le lima tausaga e pei ona lipotia ai.
