Parliament

Tauaofia le Palemene lona 17 e aunoa ma sui filifilia uma o Itumalo e 51

O se aso uiga ese mo Samoa ma ua faamauina foi i le talafaasolopito a le atunuu i mataupu o upufai o le Mālō le tauaofia o le Palemene lona 17 ae e le’o atoa sui filifilia o le maota.

I le taeao nei i le Malae i Tiafau i Mulinuu na vaaia ai le taunuu atu o sui o le Kapeneta ma sui o le vaega faaupufai a le vaega o le Faatuatua i le Atua Samoa ua Tasi mo le uluai fono a le Palemene i totonu o le maota fono lea e talanoaina ai ma pasia le tala faatatau autu muamua o le Tupe a Samoa.

Ua afua lea tulaga ona o se faaiuga a le Fofoga Fetalai i le aso ananafi ina ia taofia soo se tasi e ese mai i sui e to’a 26 a le FAST na faatautō i lalo o le faleie faapea malu o le Mālō mo le faatinoga o le latou galuega ona solia pe ulufale i le malae i Mulinuu.

O lea tauaofiaaga na amata i se sauniga lotu ona faafeiloai ai e le susuga Papalii Li’o Taeu Masepau sui e 26 a le Palemene na auai. O le faaliga mai le taitai o le maota fono e ala i mataupu e talanoaina e aofia ai le tele o no teuteuga e manaomia mo nisi o tulafono a le atunuu e pei o le Tulafono taufaaofi o le faatauina o tupe 2021-2022 ma le Tulafono taufaaofi o le teuteuga o tulafono o faigapalota No.2 – 2021 lea o loo i lalo o le vaega o tulaga faanatinati.

Faamalamalama foi e le Fofoga Fetalai le tulaga o le aofai o sui o le Palemene e tatau ona iai e pasia soo se teuteuga o le tulafono mai le 51 o Itumalo e tatau ona 26 e lē aofia ai le Fofoga Fetalai peitai talu ai ona ua avanoa nofoa e 7 mai Itumalo lea o le a toe foi e fai a latou faigapalota laiti ua pa’u ai le numera mo le taimi nei i le 44 o lea e 23 le numera o sui o le Palemene e tatau ona iai e pasia soo se tulafono e talanoaina i totonu o le Palemene i le asō.

E le’i auai sui filifilia o le vaega faaupufai e Puipuia Aiā Tatau o Tagata ona o se faaiuga a le Fofoga Fetalai e lē taunuu se faatautoga o sui a le HRPP ona o loo tumau pea lo latou tetee i faaiuga a le faamasinoga lea na aloaia ai i le tulafono le faatautoga a le FAST na fai i le Aso 24 i lalo o le faleie.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required