E pei ona ia faagasologa o le polokalame ale Matagaluega o Aoga i aoga i le atunuu e unaia ai le faitau tusi ma le tusitusi ua taulimaina ai ele Matagaluega se fesoasoani o tusi faitau mai le Malo o Ausetalia e tauala mai i le Australia Pacific Climate Partnership.
O nei tusi na faailoa i faamatalaga faalauaitele ale Matagaluega ua auga tasi lea i suiga maaleale o le tau ma e auga lea mo le faitautusi ale fanau ae le gata i lea o mataupu oloo lomia i nei tusi e mafai lea ona faaaogaina i polokalame o aoaoga ale fanau i tausaga taitasi .
O le Ofisa Sili o Pulega ale Matagaluega o Aoga Aeau Chris Hazelman o ia lea na taliaina lenei fesoasoani faatasi ai ma le Hai Komesina o le Malo o Ausetalia ma sui o le Australia Pacific Climate Partnership
O le naunautaiga foi ina ia mafai ona malamalama ma sialfia e fanau aoga tulaga i le tau ma ona aafiaga e mafai ona faasoa ai i aiga aemaise soo se tasi ma o mataupu oloo iai i nei lomiga e aofia ai le lelei ma saogalemu o taumafa ma suavai, o le soifua maloloina, faasaoina o le siosiomaga ma le nofo lelei o tagata ina ia malu puipuia i taimi o faalavelalve faalenatura.
O nisi o tusi oloo iai faamaumauga ma faaamatalaga e patino lea i fanau oloo aotauia i Kolisi maualuluga ma Matata eseese.
O lenei fesoasoani ole faailoga o faigapaaga ale Malo o Samoa male Malo o Ausetalia i soo se atinae mo le lumanai manuia o ona tagata ma o se fesoasoani foi lea i le faamalamalamaina o lenei mataupu tua suiga o le tau i fanau aoga.
