Search
Search
Photo Credit: Pinati Williams

Tauaao e tamaitai Sa o Mapuifagalele ma Monike i Vailima meaalofa tupe ta’i 25 afe tala

O faiga meaalofa o le Kerisimasi o lenei tausaga ua afea ai le nofoaga o matua tausi i Mapuifagalele i le agalelei o le kalapu o le Kaakia mai club, o le vasega 4 o le tausaga 1988 a le Kolisi o Sagato Iosefo, ma pisinisi o le Moana Rentals ma le Pacific Ezy i se meaalofa tupe e 25 afe tala. 

O le faafetai mai le sui o tamā ma tina matutua i Mapuifagalele ma le faafetai mai le tamaitai Sa pule o lea nofoaga.

O le sailiga tupe a pisinisi ma faalapotopotoga e pei ona faailoa atu sa faia i le taulaga faatau i Otara i Aukilani Niu Sila i le Aso Toonai na tea nei na maua ai se seleni e 55 afe tala Samoa lea ua vaevae ma tuuina atu ai le 25 afe i Mapuifagalele ma le isi 25 afe mo le nofoaga o tamaitai Sa monike i Vailima. 

Se vaega o le saunoaga faafetai mai le tamaitai Sa monike pule o loo faauluulu iai le nofoaga i Vailima.

O le lima afe e maua ai le 55 afe o seleni na faamaopoopo i le sailiga seleni i le faaiuga o le vaiaso ua mavae ua tuuina atu mo tamaitai Sa monike i Niu Sila.

Mo le silafia o le fā lenei o tausaga o faia lenei foai e taulamua ai le Pacific Ezy, Moana Rentals, le Vasega 4 o le Kolisi o Sagato Iosefo o le tausaga e 1988 ma le Kaakia mai club.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required