E toalua le aufaifaiva o loo tau sailia i gataifale o Niu Sa Uelese ma o loo aofia ai ma le vaega a le Maligi i le sailiga.
Fai mai le 9News o se tamā e 47 tausaga ma lona atalii e 17 tausaga e lei toe foi ane i lo latou aiga talu mai ananafi ina ua alu sa la fagotaga i le Storm Bay i Kiama i le itu i Saute o le setete.
O le 20 e te’a ai le 5 i le afiafi na mulimuli toe vaaia ai ma sa faapea e toe taunuu i o la aiga i le vaeluaga o le po e pei ona lipotia e leoleo.
E ta le tolu i le vaveao analeila e lei toe foi ane lava ma toe valaau ai loa leoleo.
Ua toe maua le la taavale ma meafagota lata ane peitai e lei maua i laua.
O loo galulue faatasi nei leoleo ma le vaega a le Marine Rescue i le sailia o le tamā ma lona atalii.
O i laua e mai Liverpool ma e masani ai ona aga’i e faifaiva.
Puna o Faamatalaga: https://www.9news.com.au/national/father-son-missing-off-nsw-south-coast-after-fishing-trip/05a70617-418a-412c-8dbe-b5d067510b97
