Lipotia i le aso I le Newstalk se lipoti e faapea ua faailoa e le Farmers I ana tagata faigaluega I ofisa I Aukilani ina ia toe foi I galuega I lalo o le lapataiga vaega 3 o loo iai nei , a leai o le a faaitiitia mai totogi I le 80 pasene, e ui o loo iai seisi foi faamatalaga o loo taua I le taimi lava o loo iai le aai I le lapataiga lea o loo mafai foi ona faigaluega mai tagata I o latou fale pe afai e mafai.
O le sui o le First Union Ben Peterson sa faatalanoa e le ofisa faasalalau I le aso e tusa o lea tulaga ma ia faailoa ai o loo o latou iloa e toatele tagata faigaluega o loo mafai ona faigaluega mai o latou fale I le taimi nei ma poloaiga o loo iai.
Fai mai Peterson o le itu e faanoanoa ai ona o le toatele o tagata o loo feagai ma luitau I lenei taimi o le vavao ma e le taumate e le o manaomia foi nisi tulaga e ono toe faafaigata atili ai le soifuaga I lenei taimi.
E le o mautu mai I le lipoti pe talafeagai I lalo o le tulafono lea tulaga ma o loo faatalia foi seisi lipoti I lea mataupu ae poo le a foi se tali ane a tagata faigaluega o loo aofia ai I lalo o lea auaunaga. Na faailoa e le sui o le Iuni o loo iai foi isi fesoasoani o loo avanoa ane mo pisinisi ma tagata faigaluega ae lei oo I le tulaga o le faamalolo poo le faaitiitia o totogi o tagata faigaluega.
