Taulapapa Brenda Heather Latu

Tatau ona tauaofia le Palemene i totonu o le 7 aso

Ua fa’aleaogaina nei le fa’atautoga na faia a le vaega faaupufai a le FAST i lalo o le faleie i le Aso 24 o Me 2021 ina ua tuuina mai le faaiuga a le faamasinoga maualuga aua e le’i auai le Ao o le Malo i lea faamoemoe.

Petai o lea ua tuu mai le poloaiga a le faamasinoga maualuga e tatau loa ona tauaofia le Palemene i totonu o le 7 aso afai ae maea le 7 aso e le’i fa’ataunuuina lea vaega taua o le a toe tilotilo loa i nisi vaega o le tulafono e molia ai i latou e faalavelavea ma lē usitaia i le faaiuga a le faamasinoga i lalo o le contempt of court.

Laaulialemalietoa Leuatea Polataivao Schmidt

Taua e le tamaitai Loia o loo tulai mo le FAST Taulapapa Brenda Heather Latu
“e amata atu i le asō ona faitau aso e 7 e tatau ona tauaofia ai le Palemene ae afai e lē usitaia o le a toe foi i le faamasinoga maualuga e toe iloilo i se tulaga faaletulafono e talia aloaia ai  le faatautoga na fai i lalo o le faleie”.

Mo le taimi nei o loo tulai mai le aofai o sui filifilia a le FAST i le toa 26 ae ua 24 sui a le HRPP, o lona uiga o le poloaiga e tauaofia ai le Palemene i totonu o le 7 aso ina ia faagasolo vaega masani e pei o le tagatagai poo ai le vaega faaupufai o loo iai le numera tele o a latou sui ona filifili loa lea o le faigamalo fou mo Samoa.

Taua e le taitaifono a le vaega faaupufai a le FAST Laaulialemalietoa Leuatea Polataivao Schmidt “afai o le faaiuga lea e filemu ai le atunuu o le a talia ma le agaga faafetai ma o le a agai loa e faatino le tulaga ua poloa’i mai ai le faamasinoga maualuga”.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required