Ua fautuaina Kamupani uma i Samoa ina ia faaali faamaoniaga ua maea ona fai tui puipui o tagata faigaluega ae lei oo atu i le Aso Faraile nei lea o le a faagasolo ai le sisi tūiga tele lona lua a le atunuu.
O le mafuaaga ona ua faalauiloa e le Pulega o le Soifua Maloloina faapea le Komiti o Faalavelave Faafuasei e le’o se aso malolo le Aso Faraile nei peitai ua fautuaina Kamupani ina ia tuu atu le
lisi o tagata ua fai o latou tui puipui mai fale faigaluega aua le nofo silafia o le faatautaia o le tūiga tele o loo loma nei.
E pei ona silafia o le unai lea a le Mālō ma le Faauluuluga nei o Matagaluega tau i le Soifua Maloloina ma Faalavelave Faafuasei ina ua mautinoa ua Puipuia ma maea uma tui puipui e lua o le AstraZeneca a tagata Samoa lea e tatau ona oo atu i le faaiuga o le masina nei ua maea. E le gata i lea o le naunautaiga a le Soifua Maloloina ina ua faaaoga tui na faimeaalofa atu e atunuu i fafo auā lava puipuiga mai le pepesi o le Koviti 19.
Ua vaaia le lelei o le tali atu a le atunuu i le faatinoina o le tui puipui muamua peitai e manaomia le maea uma o tui e lua ina ia mautinoa ai ua saogalemu mai le faama’i. Ua faia lenei faituaga ina ua mafai pea ona tatala pisinisi ae faagasolo pea tūiga tele a le atunuu i le aso ua atofaina.
