Vaccine booster

Tatau na tapena le booster e tali ai le Omicron

Faitau afe tagata o lea ua agavaa mo le tui lona tolu poo le booster, ma ua tapena fomai e fesoasoani mo le faia o tui

O le aso lea e iloa ai se faaiuga mai le kapeneta mai lana fonotaga ananafi pe malilie e tuu mai I lalo le piriota e va ai le tui lona lua ma le tui lona tolu ua avanoa nei

O lea ua toatele tagata suesue latou te finauina le tatau ona faasolo le booster mo le puipuia mai le vairusi fou o le Omicron, lea ua atoa le 22 o cases I tuaoi talu mai le vaiaso talu ai

Ao galulue malosi ai tagata faigaluega I tuaoi faapea nofoaga faanofoesea e puipui ma taofiofi le ono sao mai I fafo o le vairusi mai pasese taunuu mai ua faamaonia, e le o lava lea I le maitau a tagata suesue pe a faatusa I le Delta o loo tatou paso ai nei, o le auala lea na sao mai ai foi I tua I le komiuniti

Ripotia e le leitio faavaomalo a Niu Sila, o nisi o tagata suesue ua faailoa e taua tele le tuu mai I lalo o masina e va ai tui nei aemaise lava mo komiuniti Maori ma Pasefika

Peitai o le toatele o o tatou tagata o lea e le I leva ona uma faia tui muamua faapea tui lona lua, ma e le vave agavaa I le booster pe a fua I le piriota o iai nei ma le vave oo mai o le Omicron I tuaoi o le atunuu

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required