E tatau ona oo atu a taeao ua toe lelei le system o loo totogi ai peimeni mo AT Hop cards.
O le tala mai lea a le Auckland Transport a o taumafai ai pea e toe faaleleia le system na osofai e cyber attack i le vaiaso talu ai.
O lea o loo faasolo pea suesuega i le taimi nei ma e iai le talitonuga o le Auckland Transport e lei gaoia faamaumauga a tagata feoai e aofia ai ma faamaumauga tau tupe.
O lea e lē o toe mafai ona faaaogāina le system lenei online, ma e lē o iai se aafiaga i le faaaogāina e tagata feoai o a latou AT Hop cards.
O loo tumau le fautuaga e tag on ma tag off tusa e pei ona masani ai, tusa lava pe e lē o lava le paleni o lau AT Hop card.
