Foliga mai ua tatau ia Niu Sila ona siitia lona tulaga e tali atu ai ia Saina.
O se vaai mamao lea a se tasi o tagata su’esu’e i le mae’a sau o lipoti o sainiga feagaiga a Saina ma atunuu Pasefika i le vaiaso faato’ā uma atu faasolo mai i le faai’uga o le vaiaso.
O lea na liki mai i tua fuafuaga faataatia o loo sau ai fuafuaga a Saina o loo manao e faalautele le tamaoaiga ma puipuiga ma nisi atunuu Pasefika e faaopoopo lea e aofia ai Samoa, Tonga ma Fiti.
Ese mai i folafolaga o le a fausia le training centre mo leoleo a Solomona faatupe e Saina, o le Aso Toonai faato’ā uma atu na sainia ai le isi maliega ma Samoa e saga faamausali ai pea le galulue faatasi.
Mai nei faiga faapaaga, ua manatu Rodney Jones ua moomia le tu malosi o Niu Sila e faatumau lona tuto’atasi ma faiga faavae faavaomalo, ma ua tatau ai ona faia faai’uga e le’i faia muamua ma ia numera tasi le saogalemu ae lona lua fefaataua’iga.
