O le Aso Gafua asau 16 o Me o le a toe tatala ai talosaga mo le maua o visa tafao poo visa asiasi e ulufale ai i Niu Sila tagatanuu o atunuu i le li’o o Malo o le Pasefika e aofia ai Samoa, 

· Atu Kuki 

· Federated States of Micronesia 

· Tahiti 

· Fiti 

· Kiripati 

· Nauru 

· Niu Kaletonia 

· Niue 

· Palau 

· Papua Niu Kini 

· Republic of the Marshall Islands 

· Atu Solomona 

· Toga 

· Tuvalu 

· Vanuatu 

O se avanoa lenei o le a mafai ai ona toe malaga atu i Niu Sila o tatou tagata i fuafuaga masani ma malologa poo ni tafaoga e pei ona sa masani ai, a’o lei tapunia tuaoi o le tatou atunuu faapea foi ma Niu Sila ona o le faama’i. I se pepa o faamatalaga mai le Ofisa o Niu Sila i Apia ua faailoa ai o talosaga uma mo ni visa asiasi e faatino uma i auala o fesootaiga i luga o le initaneti, ina ia tuuitiitia ai le aafia o tagata faigaluega i le siama o le Koviti-19. O Samoa e pei ona silafia o loo fuafua e faato’ā tatala ona tuaoi mo malaga masani ia Aukuso ma Setema.