Search
Photo Credit: 1News

Tatala le State Highway 1 i Brynderwyn Hills i le vaiaso fou 

O le po o le Aso Lulu o le vaiaso fou lea ua faamautū mai, o le a toe tatala ai le State Highway 1 i Brynderwyn Hills. 

O se tala fiafia mo tagata e nonofo i Matu o le atunuu ma i latou foi e āsia le itu i Matu mo galuega. 

E 4 masina lea na tapunia ai lea itu mo galuega faaleleia ina ua toe faaleagaina e eleele solo, ma o le faailo ai o lea tala fiafia ua toe molimau ai sui o pisinisi o loo feoa’i atu ma toe foi i aso taitasi i Matu o le atunuu, o le a tele le taimi ma le penisini faasao pe a faatusa i le faiga o loo iai lea e tau ui atu i le itu i Sisifo. 

Ua faamautinoa mai ai e le NZTA e silia ma le 900 tagata galulue na toe faaleleia le auala e lē gata o taimi o le ao ae faapea le po, ma o le faaiuga lava o Iuni lea na taula’i iai le vaai, ia oo atu iai ua tatala. 

Ua fetaui lelei le tatala o le SH1 i Brynderwyn Hills ma le pisi o femalagaa’iga o le aso malolo o le Matariki i le Aso Faraile o loo loma nei.

Puna o Faamatalaga: https://www.1news.co.nz/2024/06/20/brynderwyns-reopening-its-been-a-very-stressful-journey/

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required