Ua ioe Ausetalia e toe tatala le feoai saoloto e aunoa ma le faanofoesea mo tagata South Island
O le faasilasilaga lea na tuuina mai ananafi, ma e faapea e amata aloaia mai le toe tasi le minute le 12 o le po a taeao
Mai le pule sili o le soifua maloloina a Ausetalia, Paul Kelly, o lea faatagana o le a talia ai soo se tasi mai le South Island o loo I Niu Sila ua uma tui e lua o le Koviti, negative siaki na faia I totonu o le 72 itula, ma e taunuu atu agai sao I aiga ma nofoaga e nonofo ai ae le o nofoaga faanofoesea
O pasese foi o le a o atu I lea saolotoga e tatau ona tautino e le I iai I le North Island I totonu o le 14 aso talu ai
E le o iai se suiga mo tagata North Island ona o le maualuga o le lamatia I le Delta, ma o loo tumau pea le faanofoesea mo ia tagata pe a taunuu I Ausetalia
O le aso 30 o Oketopa e toe iloilo ai e Ausetalia lana faaiuga ua aumai
Ae mai Niu Sila nei ua faamaonia mai e le sooupu a le malo, e le o iai se suiga I ona tuaoi lea e aofia ai le faanofoesea o pasese mai fafo aofia ai ma Ausetalia
