E le I talia e le faamasinoga le talosaga a leoleo e teena ai le tatala I tua o le ua molia I le faaleagaina o le maota o le palemene faapea nisi moliaga faasolitulafono
O le ua molia, 31 tausaga o se tasi e tele ina nofo I Aukilani ma ile tulai ananafi I le faamasinoga faaitumalo I Ueligitone o loo tapu ai le faailoa o lona suafa
Tala a le leito a Niu Sila, o le faamasinoina o le ua molia na faia mai totonu o le sela o loo matuai malu puipuia ona o aafiaga o lona mafaufau
E fa moliaga o loo molia ai, muamua o le faaleagaina o le maota o le palemene ananafi ma le mautinoa, faaleagaina o nisi o meatotino I Rotorua I le amataga o le masina talu ai, teenaina leoleo atoa ma le umia o se aupega
O le talosaga a leoleo ananafi na faavae lea I le lamatia o le soifua o tagata lautele pe a tatala I tua le o loo molia, peitai o le faaiuga a le faamasinoga ua tatala ai I tua i se tasi o nofoaga o loo iai I latou e iai aafiaga o le mafaufau
E talitonu le faamasino ia Hastings, e iai lona popolega I saunoaga a le ua molia, peitai o ni lafoga e le faailogalanu pe mafua I ni faiga faapolokiki
O le aso 28 o le masina nei e toe tulai ai le ua molia I luma o le faamasinoga, ma ua faatonuina e le faamasinoga le tatau ona vaaia o le ua molia e se fomai suesue atoa ma le faia o siaki o lona mafaufau ae e le I tulai e tali I moliaga faasaga ia te ia O le ua molia na ia faaleagaina ai faamalama tioata o le faitotoa ulufale o le maota o le palemene ananafi I le vaveao faaaogaina ai se to’I sei tulou
