O le vaiaso nei na tatala aloaia ai le vaiaso mo le Siosiomaga i le atunuu poo le National Environment Week 2021.
O lenei faamoemoe a le Mālō loo taimua ai le Matagaluega o Punaoa Faalenatura ma le Siosiomaga e faataua ai tulaga o le siosiomaga ma punaoa faalenatura a le atunuu ae le gata i lea o le tulimata’i ai nisi o aafiaga ua maitauina i le lalolagi aemaise atu motu laiti o le ituagai. Ae o le vaega sili ona taua mo lenei vaiaso faapitoa o le toe tapenaina lea o le sā o Samoa e tāoso ai le Puipuia o le faasaoina aemaise o le toe faaleleia o le siosiomaga.
Na saunoa le Minisita o le Siosiomaga afioga Toeolesulusulu Cedric Schuster i le lauga autu o le faamoemoe ma na ia taua ai “O le manulauti o lenei tausaga o se taulogologo mo Samoa atoa ina ia toe fonofono ma faufau le tatou siosiomaga aua le soifua manuia ma le soifua faaauau. O le manatu maualuga o le siosiomaga lelei o le a afua mai ai se atunuu e gafa taulimaina lona atinae, e mautu lona tamaoaiga ma e soifua manuia ona tagata.”
O le faamoemoe atoa o lenei polokalameo lenei tausaga ina ia faamanatu i le atunuu le tausi lelei ma aua nei vale tuulima le valaauina e ala lea i le puipuia o punaoa faalenatura.
Na amata lenei vaiaso mo le siosiomaga i se totogalaau na faia i le nofoaga i Tafaigata i le Aso 1 o Novema. O le asō o le a faia ai ni faatalatalanoaga i le taua o le palapala ma le laufanua poo le Land & Soil Day ae le gata i lea o se Science Fair mo fanau aoga i le vasega 7 ma le tele o vaega eseese e faataua ai le siosiomaga o le a faamanatu uma i lenei vaiaso.
