Search
Police Samoa

Tasi le maliu na ripotia atu i le tausaga fou

E valu masina o se pepe teine ua fano le ola i le faaaliga mai e leoleo na sipaka i le eletise. 

O le Aso 1 o le tausaga fou na ripotia ai i leoleo lenei faalavelave mai le afioaga o Samusu i Aleipata ma ua faailoa mai e le Sui Komesina o Leoleo le susuga Auapaau Logoitino Filipo o loo faia suesuega i le taimi nei pe na faapefea ona tupu le faalavelave ma aafia ai le ola o lenei alualutoto.

Na pau lea o le maliu na lipotia atu i le tausaga fou 2022 ae o isi mataupu uma na logoina ai le Matagaluega i le latou tiute faapitoa o Aso Malolo o le Kerisimasi ma le Tausaga fou o solitulafono e pei o le faaoo manu’a, faaoolima ma le faapisapisaō.

O le solitulafono o le avetaavale ōnā e to’a 10 ua molia ai, e ese mai i le to’a 10 ma ona tupu na molia i le taimi o le Kerisimasi. O le ai nofosala i le falepuipui ua maua le avanoa e asiasi ai i o latou aiga i taimi o aso fiafia e to’a 50 na fai Kerisimasi i o latou aiga ma na tatala i tua i le Aso Faraile ae Aso Toanai le Kerisimasi ona toe foi ai lea i le nofoaga i Tanumalala i le Aso Gafua le Aso Malolo le Boxing Day.

Faailoa e le Auapaau na toe foi uma ma sa saogalemu i latou i le toese na fai aso fiafia i o latou aiga. Ae i le tausaga fou lava ia e leai ni pagota na tatalaina i tua o lona uiga na fai tausaga fou i totonu o le falepuipui e le gata o Tanumalala ae faapea foi i Vaiaata i Savaii.

Talu ona toe faia suiga i avanoa e asia ai e pagota o loo lelei le tuliga o faasalaga ma usiusitai i o latou aiga ua faaalia e le Sui Komesina e le’o toe aliali mai tulaga sa fai ma sosola ai tua nisi o le au nofosala.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required