Na tapunia e leoleo i Sini se tasi o magaala ona ua ta’ua na agai ane ai se alii ma faamata’u i latou i se fana fao, nailgun i le po anapo.

O le vaega o fesoasoani faavavave na agai ane i le faalavelave i Faulkner St i Tonngabbie poo le ‘afa o le 10 ina ua mae’a lea ona loka e le tagata lea o ia i totonu o lona fale ma fai ane ni taufaamata’u i nisi. 

Na taunuu ane leoleo ma faia feutanaiga ma lea tagata e 45 tausaga ma e tolu lelei itula o faia feutanaiga faatoa pueina ai ma avatu i le falemai i Westmead lea o loo leoina ai e leoleo.

O loo faaauau suesuega.