O le polokalame a Amerika ua faaigoa o le US Global Entry Program ua tapunia mo le taimi nei ma e ono afua ai nisi o aafiaga tetele mo tagata e faimalaga atu mai Ausetalia.
O le Global Entry o se polokalame a Amerika e ofo ane ai i nisi i Ausetalia le avanoa e vave ai ona kilia i matāupu tau femalagaa’iga pe a aga’i atu i Amerika.
E faagaioi e pei o se polokalame e fai ai membership pe avea ai le tagata ma se totino o lea polokalame e faigofie ai ona ioeina lona ulufale atu i Amerika.
E mafai ona talosaga ai tagata Ausetalia online poo luga o upega tafa’ilagi ma faia ai siaki ma faatalanoa a o le’i ioeina ane le avea ai ma sui o lea polokalame mo le 5 tausaga.
O le totogi o lea auaunaga e 100 tala Amerika ma e tatau ona faamalieina uma mea o loo mana’omia faato’ā tuuina ane ai le visa e ulufale ai i Amerika.
O lea la ua faailoa mai i le asō ua tapunia lea polokalame ona o nisi o fuafuaga fai a le faigāmalo e pei ona faailoa e le 9News.
Ua upuia e le vaega a le Democrats a Amerika le tapunia o lea auaunaga ma tuua’ia ai Trump ma lana faigāmalo.
Puna o Faamatalaga: https://www.9news.com.au/world/us-global-entry-suspended-what-does-this-mean-for-australians-explained/d0e2dbb7-f6bf-405c-a70c-9e454e91f8a1
