Lautoka Hospital - Radio Samoa

Tapunia le falemai I Lautoka, pesia fomai I le Koviti

Ua tapunia le falemai i Lautoka, ma silia ma le 400 gasegase faapea le aufaigaluega o loo loka uma ai i totonu

O se faaiuga faatopetope na sau anapo I le maea maua ai e toalua fomai ua faamaonia ua maua I le Koviti, ma o loo masalomia na pesia mai I le tama sa faia lona taotoga I le aso 19 o le masina talu ai, ma o lea foi e le o iloa poo fea lea na maua mai ai e lea tama le vairusi

Ua faamaonia ai e Dr James Fong o le soifua maloloina i Fiti, o fomai e toalua ua faamaonia o laua siaki, o i laua nei sa vaaia le tama o loo masalomia

O le tapunia ai o le maota gasegase o lea ua faanofoesea uma ai i totonu fomai, o mai o loo taofia ai faapea le toatele o le aufaigaluega, ma o nisi foi o le aufaigaluega ua tuua le maota gasegase o lea ua toe fesootai iai e toe foi atu

O le faigata o le tama lea o loo masalomia ua pesia ai nei fomai, e faalua ona ia teena le faia o lona siaki o le Koviti, ma ua faaalia ai e sui o le soifua maloloina, o loo masalomia e agai atu i le falemai ua leva ona maua i le siama

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required