Search
Photo Credit: M.W.C.S.D.

Tapunia aloaia le faamanatuina o le 16 aso o faatinoga e taofia ai sauaga i tina ma tamaitai

Ua mae’a i le faaiuga o le vaiaso na mavae nei, gaioiga ma faatinoga mo le polokalame o le 16 aso e tutu faatasi ai tagata uma e faatino gaioiga e taofia ai le sauaina o tina ma tamaitai i le atunuu.

O le sauniga o le tapunia aloaia ai o lenei polokalame na saunoa ai le Minisita o Tina ma Tamaitai Atinae o Afioaga ma Aga Fesootai, Afioga Mulipola Anarosa Ale Molioo.

“Ua tatou iai i le taulaumea o le faamoemoe sa o tatou amataina i le vaiaso ua tuanai.

“Talu ona ou savali mai totonu o le Matagaluega lenei, sa ou maitauina le tele o aso faailogaina ae o le fesili o le ā le feau o loo momoli mai e nei aso o loo faatāuaina.

“Talitonu e tasi lava le feau, amanaia, aloaia faaaloalo ma aveese lenei faafitauli o loo aliae mai.

“Talitonu o se siosiomaga lea e muamua soifua ai se tagata soifua o le lotoifale faaleaiga e tapena ai le teine ma le tama i soo se vaega o le soifuaga ina ia tuu atu i le lalolagi tele ma soo se siosiomaga ae mafai ona tali ai i faafitauli.

“A o ai e i totonu o le aiga o matua, a o i aoaoga o Faiaoga, o le lotoifale i nuu o pulega a Alii ma Faipule.”

I le faagasoloina o lenei polokalame na faailoa ai e le Minisita le toatele sa lagolagoina e tusa ai o aoaoga.

“Ua tulai mai le fuainumera o tagata e toaafe o lona uiga o le a auina atu outou e talaiina atu le feau taulogologo.

“Ae o le ā lenei feau, e muamua a o oe o le feau, ia leotele le feau, ia atagia le feau ia te oe ina ia mafai foi ona o’oo’o lenei feau i loto ma aai o finagalo o tagata.”

O le naunautaiga o le Minisita, “Aua ne’i tau ina faatino polokalame ae ia fua mai.

“O ā fua lelei, ua pa’ū mai luga le taualuga o le fale tau i lalo le fuainumera o i latou o loo aafia i sauaga eseese.”

O le polokalame e pei ona faatinoina sa galulue ai le Matagaluega o Tina ma Tamaitai Atinae o Afioaga ma Aga Fesootai ma ana paaga ina ia molimoli nisi o vaega tāua e atagia ai le feau mo le taofia ai o lenei faafitauli i le atunuu.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required