E lua masina lea ua faailoa mai o le a tapunia ai se vaega o le State Highway 1 mai Turangi i Waiouru, i le Desert Road.
O se tala mai le NZTA o se tasi lenei o poloketi e lē faigofie ma o le faai’uga ua fai, ua faia ae se’i faasolo galuega toe faaleleia.
O le aso 6 o Ianuari o le tausaga fou lea o le a amata tapuni ai se’ia oo atu i le faai’uga o Fepuari.
O se faasilasilaga o loo faate’ia ai nisi o pisinisi o loo faaaogāina lenei auala mo le fela’ua’iga o faamomoli ma uta, ma o lona uiga o lea o le a tele ai ma feuia’iga.
Mai le pulega o se taimi o i luma faailoa mai i luga o le upega tafa’ilagi a le NZTA le atoaga o lenei fuafuaga aemaise o auala o le a mafai ona faaaogā a o faia galuega.
Puna o Faamatalaga: State Highway 1 between Tūrangi and Waiouru to close for repairs – NZ Herald
