Search
Search
Photo Credit: 1News

Tapuni faitotoa o Godfreys i Niu Sila faapea Ausetalia

E lē o toe mamao tapunia uma lālā a le pisinisi faatau vacuum, le Godfreys e lē gata i Niu Sila ae faapea Ausetalia.

O le lē maua o se isi tagata na te faatauina le Godfrey o le mafuaaga lea o le tapunia uma o ona faleoloa i atunuu e lua.

Mai le PwC lea o loo ia vaaia i le taimi nei, o lea ua amata faasolo le tapunia o faleoloa mai le taimi nei seia oo i le aso 31 o Me.

I totonu lava ia o Niu Sila e lima faleoloa ua mae’a ona tapuni.

E oo mai ananafi ua 25 tagata galulue i le ofisa tutotonu a le Godfreys i Ausetalia ua vāea.

O le Godreys lea na faavae mai i le 1931 o se tasi o pisinisi faatau vacuum tele i le lalolagi, ma o lea foi na taulamua i le maketi i totonu o Niu Sila faapea Ausetalia i fefaatauaiga o vacuums.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required