Ua i Samoa nei le tausala o le setete o NIu Sau Uelese, le tamaitai o Moemoana Safaatoa Schwenke mo le faamoemoe o le sailia o se tausala o Samoa mo le tausaga lenei seia aulia le tausaga fou.

Ua masani ai Samoa i le faailogaina o le vaiaso lenei o le Teuila i le atunuu e faaiu i le sailia ai o sana tausala mai tamaitai tauva mai atunuu eseese o iai sui o le  atunuu faapea foi ma Samoa lava ia.

O le faamatalaga mai le peresetene o le Miss Samoa NSW Martha Lam Roache, o loo auai le tamaitai o Moemoana i polokalame uma faagasolo a tamaitai tauva e tapena ai mo le tausinioga poo ai o le a pale mai i lenei tausaga agai atu i le tausaga fou. O loo iai foi le upega tafailagi ma le itulau i le facebook a le Miss Samoa NSW e mafai ona  lafo ai sau faamalosi poo se faamanuia foi i le alofaiva o le sui o NIu Sau Uelese i le sailiga o le tausala o le atunuu 2023-2024 lea o le a faia i Samoa i le  agai atu i le faaiuga o le vaiaso nei.