Ua logoina nei le atunuu e le matagaluega o Alamanuia Pisinisi ma Leipa ile faamalosia o le tapu ua matua faasa ai soo se tagata, poo ni faalapotopotoga ma pisinisi ona faaaogaina le lotoa o loo iai le uati tele i Apia e aunoa ma se ioega a lea matagaluega a le Malo o loo iai le vaaia o le uati tele.
I se faasalalauga a lea matagaluega i lana upega tafailagi o loo faailoa ai, o loo vaaia pea le soli o le lotoa ma faaaoga e nisi e aunoa ma se faatagaga.
Ua faailoa foi i lea faasalalauga se faaiuga ua faia e le kapeneta e faasino tonu ile lotoa atoa ma le uati tele, ma ua galulue faatasi ai le matagaluega o alamanuia pisinisi ma leipa ma le matagaluega o leoleo e molitu nisi e toe faaaogaina le nofoaga pe solia foi, e aunoa ma se mafuaaga tatau.
Ua 102 nei tausaga le matua o le uati tele ile taulaga o Apia ose pine faamau na fausia e manatua ai tagata o Samoa ma fitafita na fano ola ma soifua ile taua muamua o le lalolagi.
O le maa faamanatu o loo iai ua manatua ai ma fitafita ma tagata uma o Samoa na maliliu ile taua lona lua o le lalolagi.
