Ua tapu e le tele o faletalimalo i nisi o faaitu o Niu Sila le faaaogā ai e tagata e nopia’i atu i o latou fale, le faia ai o ni mea faapāpā poo le private use of fireworks; ona o le ma’ale’ale o loo iai lenei vaitau ma le ono tula’i mai o mū.
Ta’ua i lipoti mai le RNZ, ua faamanino mai e le ofisa o le Tineimū ma Faalavelave Tutupu Faafuase’i le faatulaga ai o le sā i Coromandel mai le aso 8 o le Aso Lua se’ia oo atu i le aso 30 o Ianuari.
O Central Otago, Lakes ma Upper Waitaki o le a amata mai i le itula e 8 i le taeao o le Aso Lulu, aso 24 o Tesema, se’ia toe oo mai se fautuaga.
Faailoa e sui o faalavelave tutupu faafuase’i, o le tau mafanafana ua amata mai, ua faalogoina le malolosi o savili ma le mago o le vao, e faigofie ai lava ona tula’i se afi, mai le faamumū o se mea faapāpā poo se firework, ma e ono oo ai lava i se tulaga mata’utia tele.
Faamanino o nei sā poo tapu e lē aafia ai fua faaaliga faalaua’itele e pei ona masani ai.
Puna o Faamatalaga: https://www.rnz.co.nz/news/national/582537/only-takes-one-spark-fireworks-banned-at-multiple-holiday-hotspots
