Search
Perkin Tauvao
Perkin Tauvao

Tapu e le faamasinoga ona toe faia e Perkin Feagia’i ni faasalalauga taufaifai

Ua sauni le tamaitai o Perkin Feagiai Sauvao e tuua Samoa mo lona aiga i Utah i Amerika o loo faamautu ai, i le mae’a ona aumai le togisala a le faamasinoga i le moliaga e tasi o le faia o upu ma tala taufaifai i luga o lana itulau i le api o foliga le facebook, na faatūtū i le taitai o le vaega faaupufai o le Faatuatua i le Atua Samoa ua Tasi ma nisi o sui o lea pati faaupufai.

Ua lē talia e le faamasino le afioga Alalatoa Rosella Viane Papalii le talosaga a lana loia e faapafala se faasalaga e aunoa ma le faamaonia o se moliaga poo le discharge without a conviction.

Ma ua faasala ai Perkin i le 3 masina e nofo vaavaaia ai, ma o le 3 masina foi lea e le tatau ona ia toe faia ai se solitulafono.

Ua faailoa e le faamasino i lē ua molia e toe tulai i le faamasinoga mo se faasalaga i le falepuipui e le silia i le 3 masina pe a ia lē usitaia lea aiaiga.

Ua faasā foi ma tapu e le faamasinoga ona ia toe faia ni faamatalaga taufaifai faasaga i le taitai ma sui o le vaega faaupufai na aafia i lana solitulafono.

Ua faailoa e le faamasino le afioga Alalatoa Rosella i lana faaiuga, atonu o le saolotoga o Perkin o loo puipuia i le vaega 3 le third amendment o le faavae o le Malo o Amerika peitai o Samoa i le vaega 15 o loo puipuia ai foi lea saolotoga, peitai o lea saolotoga i Samoa lava ia e le tuusaunoaina auā e iai ona pa puipui ma ona tuaoi.

I se isi faaupuga e le matua atoatoa lea saolotoga, i le faa-Peretania that freedom of expression is not absolute.

Sa fautuaina e leoleo le faia o se faasalaga faafalepuipui mo lē ua molia ma faaaogā ai e leoleo le faasalaga na faia ia Malele Paulo poo King Faipopo, peitai na faaalia e le faamasino e le fealofani le moliaga o Malele na falepuipui ai i ana faasalalauga taufaaleaga i luga o le social media ma le moliaga o le faia o upu faalumaluma ma upu taufaifai.

Ua faatonuina e le faamasino le tuuina atu o le tusifolau o Perkin sa taofia e le faamasinoga.

O lana salatupe e sefulu afe na faasala ai e le nuu o Fa’ala ona o lana solitulafono ua ta’u māmāina ai le afioaga, ua manatu le faamasinoga ua telē atu nai lo le faasalaga o loo aiaia o le solitulafono ua faamaonia, o le salatupe e 200 tala poo le 3 masina i le falepuipui.

O Setema o le tausaga na tea nei na faia ai moliaga a leoleo, ma ua atoa i le masina nei le 12 masina talu ona taofia i Samoa Perkins e faatali le taunuuga o suesuega a le faamasinoga i ona moliaga.

O moliaga e 17 o le faia o ni gaioiga faasoesa e ala i upu ma tala na faasalalau e lē ua molia i luga o upega tafailagi ua faatumau le faaleaogaina ma ua soloia.

O moliaga ia sa iai se finagalo o le faamasinoga e manaomia ni folasaga faaletulafono a loia e iloilo ai pe mafai i le malosiaga o le faamasinoga ona faaitiitia mai i le moliaga o le lafo o upu taufaifai ma upu faalumaluma, peitai ua taunuu iloiloga a le faamasinoga i le lē talia o le toe teuteuina o ia moliaga ona e aafia ai aiātatau o lē ua tuuaia auā e ao ona tuuina atu iai se tali a lē ua molia mo se suesuega masani o mataupu tau soligatulafono e oo atu i le faamasinoga.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required