A o faatali ai le oo atu o le solo tetee tele a le Hikoi i le aso a taeao i Ueligitone, ua sau ai ma le lapata’iga mo avetaavale. 

O lea ua faaopoopo faigamalaga a pasi faapea malaga a nofoaafi poo trains e feoa’i atu i le taulaga i le aso a taeao a o taunuu atu le tetee lenei o loo taualagaina ai le lē fiafia i nisi o tulafono a le Palemene. 

Ua fai mai ai le puleganuu a Ueligitone o se tasi o tetee tele ma e ao ona faaopoopo nisi itula mo faigamalaga ona o le a poloka. 

O galuega faaleleia foi o auala trains ua taofia ae se’i faaavanoa mo le aso a taeao. 

Ae mo le au avavali o le hikoi, o le itula e 6 i le taeao a taeao lea e amata savavali mai ai e aga’i atu i le Maota Fono. 

Ua fetaui lelei le tini o lenei savali ma le toe taliu mai o Christoher Luxon mai atunuu mamao peitai e lē o mautinoa pe feiloa’i Luxon ma le autetee pe leai. 

Puna o Faamatalaga: https://www.rnz.co.nz/news/te-manu-korihi/534051/hikoi-mo-te-tiriti-wellington-commuters-warned-to-expect-hours-long-delays-when-protest-march-arrives-at-parliament