Tapena teuteuga o le tulafono o faigapalota

Ua tapena e le Ofisa o le faigapalota ni teuteuga o le tulafono o faigapalota e tuuina atu i le laulauafono a le Palemene i lana tauaofiaga ua faatulaga mo le Aso 14 o Setema.

Ua faailoa e le taitai o le Mālō le afioga i le tamaitai Palemia Fiame Naomi Mataafa le tapena o Ia teuteuga e faasino i fale palota faapitoa.

O se tape nega ma faaalia e le Palemia o loo fuafua i palota laiti o le a toe saili ai ni sui filifilia o itumalo e 7 ua avanoa o latou nofoa ona o faaiuga o tagi o faatosina o le palota tele ia Aperila.

Taua e Fiame “Ou te iloa o mea na tulai mai i le palota tele o le tulaga foi lea o le lē faia o fale palota faapitoa sa masani ona iai i le mea foi e faafaigofie ai le faatinoina o palota.

O lesi la tulaga na sa talatalanoa ai le kapeneta ma ua faatalatalanoa ai le Minisita ma le Komesina aua o le palota ia o palota laiti e leo se palota tele ae ao lava ona iai se vaaiga mo fale palota faapitoa e faafaigofie ai ona faatino le gaioiga”.

I le tapena ai o ia teuteuga mo le tulafono o faigapalota a’o tālia se aso o palota laiti. Ua faailoa e le taitai o le vaega faaupufai e Puipuia Aiā Tatau o tagata Tuilaepa Lupesoliai Sailele Malielegaoi o lana tusi ua ave i le Fofoga Fetalai le susuga Papalii Li’o Taeu Masepa’u e tolu ni vaega o loo ia folasia ai mo le faatautoina o sui o le HRPP i le tauaofiaga o le Palemene ua faatulaga mo le Aso 14 o Setema.

Ua faailoa e Tuilaepa i lana fono sa ia taloina ma Tusitala i le Aso Tofi o le a auai i le tauaofiaga ma ua ave foi le valaau i tau aiga o ana sui filifilia e auai e faaula i latou.

Ua ia faailoa foi ua ave le valaau i sui lagolago o le HRPP e faia se solo umi mai le uati i le taulaga agai atu i Mulinuu i le aso o le tauaofiaga o le Palemene.

Ua faailoa e le Palemia i lenei vaiaso ua ave tusi valaau mo sui faipule uma o le FAST i latou ua aloaia le latou faatautoga i le faaiuga a le faamasinoga o talosaga apili ina ia auai atu i le fonotaga. Na ia taua foi ua na’o le pau ia o sui filifilia o le a auai i le fonotaga a le Palemene lona 17 o le a faataoto ai le tala faatautau autu muamua a le tupe a lana faigamalo ua aloaia faaletulafono e le faamasinoga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required