O lea ua aofia i polokalame o le faamanatuina o le vaiaso o le siosiomaga na amata i le Aso Gafua o lenei vaiaso, se tasi o vaega tāua mo le sauniuni ai i taimi o mala faalenatura, o se faataitaiga i se taimi e aafia ai le atunuu i se galulolo poo se tsunami.
O le talafatai o Apia o le a faatino ai lea faataitaiga lea o le a faataitai ai ma sailini ua faaaogā e vave logo ai lapataiga o faalavelave matuia ma faalavelave faafuasei auā le nofo silafia e le atunuu o nofoaga e agai iai pe a ee faataitaio mai se faailoilo e ala i sailini.
O le a faaopoopo iai ma le feei leotetele o sailini faailoilo a le pulega o le tineimu ma faalavelave faafuasei ma le pulega o uafu i lea faataitaiga.
O le Minisita o le Matagaluega o Puna’oa Faalenatura ma le Siosiomaga na saunoa e tatala le vaiaso o le siosiomaga i se sauniga na faia i le nofoaga o tu ma aganuu i Malifa.
Se vaega o le saunoaga a le Minisita o Puna’oa Faalenatura ma Siosiomaga, Afioga Toeolesulusulu Cedric Schuster i le tatalaina o le vaiaso o le siosiomaga o lenei tausaga 2023.
